A Lista Virdi

Le Poesie di Martin

A LISTA VIRDI
(Dichiarazione di voto, lista verde)

Ieu votu a lista VIRDI ca mi piaci
Mi piaci nommu viju cchiu’ ruffiani
Chi jiru avanti sulu a battimani
Chi ficiuru sta terra straci straci

Ca mo’ a politica cangiau significatu
A poti fari sulu u spedalatu
Chi vaji sulu avundi u grassu spandi
Chi pettina u mangiari a quattru ganghji

N’ossu spruppatu ormai esti l’Itaglia
I supa u nord, n’zina a la Siciglia
Tu cittadinu cchiu non vali nenti
T’attocca u fai na vita di pezzenti

Vi dugnu mo’ fiducia pecchi’ criju,
Ca mmenzu a l’atti siti i menu peju
Ma a fini non criditi chesti tuttu:
… ca sacciu u zappu l’ortu e mindi futtu

Martin

Segui le altre Poesie di Martin qui:

Segui la pagina facebook di Martin qui: